Egunean behin: Blagan taldeko otsaileko irabazleak

Egunean behineko denboraldi berriarekin batera Blaganeko taldea sortu genuen,  eta orduan esan bezala: hilabete bakoitzeko azken asteko irabazleak izango du saria.
Otsaila joan da eta hileko azken asteko irabazlea belagile izan da, 528.97 punturekin. Zorionak!!!
Hil honetako saria otsailaren 12an gurekin egon ziren Yurre Ugarte eta Joseba Larratxeren “Joana Maiz” komikiaren ale bat da, egileek sinatuta!
Horrekin batera, beste ale bat ere zozkatu dugu parte-hartzaile guztien artean. Kasu honetan, Hondarraitzu izeneko jokalaria izan da irabazlea. Zorionak bioi!!

Saria jasotzeko jarri arremanetan gurekin euskarazblagan@gmail.com helbidearen bitartez.

Galdera_erantzunen_jokoa

Blaganek Egunean Behin galdera erantzunen euskarazko jokoan taldea osatu du. Eman izena eta jolastu gurekin!

Galdera_erantzunen_jokoa

Blagan Hondarribiko euskara elkarteak Egunean Behin jokoko taldea osatu du. Astelehenean, otsailak 3, hasiko da denboraldi berria, eta martxoaren 29ra arte izango da martxan. Hileko azken asteko puntuazio onena eskuratzen duen partaideak saria irabaziko du.

Jolasteko: Egunean Behin aplikazioa Google Play edo App Store plataformetatik deskargatu behar da. Aplikazioaren behealdean kokatzen den Taldeak atalean, (+) ikurra zapaldu, giltzari klikatu eta 7D9390 kodea sartu behar da, Blagan, Hondarribiko euskara elkartea izeneko taldera batzea lortuko du erabiltzaileak orduan.

Animatu parte hartzera! Egunean behin partida bakarra jokatzeko aukera izango duzu. 10 galdera erantzun beharko dituzu, ahalik eta azkarren. Zenbat eta gehiago asmatu, zenbat eta azkarrago asmatu, hobeto!

Euskararen asteburua ospatu genuen.

Azaroaren azken asteburuan Hondarribian Euskararen asteburua ospatu genuen hainbat ekintzekin. Hona hemen laburpen bat.

Ostiralean barrez lehertzeko aukera izan genuen “Bakean dagoena, bakean utzi” emanaldiarekin.

euskararen_asteburua_01

Larunbatean euriari aurre egin genion bertsotan (Alaia Martin eta Maddalen arzallus), trikitixarekin, arte lanetan, abestuz, kantu-bingoan eta kontzertuetan (Andoni Ollokiegi eta Trikizio).

euskararen_asteburua_02

euskararen_asteburua_03

euskararen_asteburua_04

euskararen_asteburua_06_

euskararen_asteburua_07

euskararen_asteburua_07

Eta asteburua amaitzeko, igandean grafiti tailerra ederra Judas Arrietarekin.

euskararen_asteburua_08

euskararen_asteburua_09

euskararen_asteburua_10

Hemen duzue blagankide batek egindako laburpen bideoa:

EUSKARAREN ASTEBURUA HONDARRIBIAN

Euskararen eguna hurbiltzen ari da eta hainbat ekintza antolatzen gabiltza aurreko astebururako. Hona hemen behin-behineko egitaraua:

Ostirala, Azaroak 29

19:30 “Bakean dagoena, bakean utzi” Umorezko bakarrizketak Kultur etxean. Informazio gehiago hemen.

Larunbata, Azaroak 30

11:30 Portuan Haurrentzat eskulan tailerrak, Santa Maria Madalenaren eskutik
12.30 Portutik abiatuta Maddalen Arzallus eta Alaia Martinekin Bertsopoteoa trikitilariek lagunduta.

Arma Plazan Bazkari Herrikoia (karpa itxia jarriko da)
(10 euro helduak eta haurrak 5 euro. Txartelak salgai Itxolan eta Ttoparan. Azken eguna azaroak 27)

Bazkal ostean Euskal Kantu Bingoa
Kontzertuak
18:00 Andoni Ollokiegi
20:30 Trikizio taldea

Igandea, Abenduak 1
11:30 Portuan Grafiti tailerrak gazteentzat Judas Arrietarekin (Plaza mugatuak, inskripzioak hemen edo euskarazblagan@gmail.com)

Antolatzailea Blagan Euskara elkartea, Hondarribiko Udalaren kolaborazioarekin.

euskararen_asteburua_AZKENA