Badator 23. Korrika

Martxoaren 14an 23. Korrika hasiko da Irundik abiatuta eta horrekin lotuta hainbat ekimen burutzen ari dira gure eskualdean.

Euskal Herriko Hitz Gurutzatuen IX. Txapelketa! Martxoaren 2an izango da eta, nola ez, Irunen. Informazio guztia eta izen-ematea webgunean: www.hitzgurutzatuak.eus

Euskaraz gara, euskaraz izan dira eta euskaraz izango gara. Mugarik eta oztoporik gabeko herri harroa izan nahi dugu. Edonor ongi etorria sentituko den herri harroa. Otsailaren 16an AEK-Korrikak eta Irungo Harrera Sareak antolatutako ekitaldia harrera herria aldarrika dezagun, euskarazko harrera herri harroa.

Gure sare sozialen bidez horien eta beste batzuen berri eguneratuta emango dugu. Jarrai gaitzazu:

https://twitter.com/Blagan_euskaraz

https://www.instagram.com/blaganeuskaraelkartea/

https://www.facebook.com/BlaganEuskaltzaleenElkartea

Oldarraldiaren aurrean euskararentzat akordio soziopolitiko berritua behar da

Azaroak 4an hamarka mila pertsona elkartu ziren Bilbon, «Oldarraldiaren aurrean, euskararekin bat, euskaraz bat» Irun, Hendaia eta Hondarribitik joan ginenok ere gainontzeko euskaltzaleekin batera, oldarraldiaren aurrean euskararentzat akordio soziopolitiko berritua adostu behar dela aldarrikatu genuen.

Azaroaren 4a: Euskararen normalizazioaren aurkako oldarraldia salatzeko manifestazioa Bilbon

Azaroaren 4an euskalgintzak deitutako MANIFESTAZIOA egingo da Bilbon, 17:00etan Euskaldunatik abiatuta. Manifestazioa euskararen normalizazioaren kontrako oldarraldiaren testuinguruan kokatzen da. Azkenaldian auzitegietatik areagotu egin dira euskararen sustapena eta normalizazioa helburu duten hainbat neurriren aurkako sententziak. Sententzia guztiek elementu komun bat dute: gazteleraren nagusitasuna ezartzea herritarron hizkuntza-eskubideen gainetik, oinarrizko eskubideen kaltetan.

Euskalgintzak deituta, hizkuntza-aniztasunean, justizian eta berdintasun sozialean sinesten duten eragile eta norbanako guztiei gonbidapena luzatzen zaie oldarraldiaren aurrean euskararekin bat egitera, euskaraz bat izatera.

Manifestaziora joateko herriz herri autobusak antolatu dira. Bidasoko aek eta Blagan, Hondarribia eta Irungo autobusen antolaketaz arduratzen ari dira. Autobusez joateko eman izena ondorengo izen emate estekan“, e-maila bidali irun@aek.eus helbidera, telefonoz deitu 688746633 zenbakira edo QR eskaneatu.

Animatu eta goazen denok Bilbora! #A4DenokBilbora #EuskararekinBat

📅 Azaroak 4
🚌 14.30, Philippe Roy okindegia, Hendaia
🚌 14.45, San Juan plaza, Irun
🚌 15.00, Sabin Arana Kalea, Hondarribia
🕔 17:00 Manifa
📍 Euskalduna, Bilbo

Prezioa 12 euro

Gau Beltza mikroipuin lehiaketa, II. edizioa

Iazko arrakastaren ondoren aurten ere GAU BELTZA mikroipuin lehiaketa antolatu dugu. Aurtengo gaia “LARRI” izango da, eta mikroipuinak gai honen inguruan idatzi behar dira. Bi kategoria daude, gazteen eta helduen kategoria. Lanak entregatzeko epea: 2023aren irailaren 28tik urriaren 14 arte euskarazblagan@gmail.com helbidean. Baldintzak eta sariak behean dituzue. Animatu eta parte hartu!

Mila esker herriko babesleei!

Euskara gehiago sinadura bilketa!

Hezkuntzan euskara gehiago ezinbestekoa dugu, araudiak argi eta garbi jaso  behar du ikasle guztiei euskararen ezagutza bermatzeko zein bide eskeiniko zaien. Horretarako sinadurak biltzen ari dira Euskalgintzaren Kontseiluak bultzatutako kanpaina bten bidez. Hurrengo estekan duzu hori egiteko aukera, urriaren 15 baino lehen. Oso erraz eta azkar egiten da: SINADURA BILKETA

Gainera, modu desberdinetan, sinadurak biltzen lagundu dezakezu ere. Informazio guztia bertan duzue. Mila esker!

Blaganen kamiseta berriak salgai!

Blaganek kamiseta berriak egitea erabaki du, oraingo honetan Bilintxek Hondarribiko Joxepa bertsolariari eskainitako bertsoetan oinarrituta.

Igandetik aurrera, eguraldiak laguntzen badu, San Pedro kalean egongo gara. Twitter , Facebook eta Instagram bidez data eta orduen inguruko informazio gehiago izango duzue. Animatu, etorri erostera eta gertaera ezagutzera! Jaietan ere itxeki euskarari!

Ez dakigu Joxepak Bilintxen sorta eskutan hartzean zer esan ote zuen, ezta inoiz elkar neurtzera iritsi ote ziren ere. Baina donostiarraren sortak erantzun bat behar zuenez, Maialen Lujanbiok jarri zituen bertsoak, Hondarribiko Joxeparen ahotik.
Bertso horiek entzungai dituzue Hitzetik Hortzera saioan kantatuta hemen klikatuz (2:50 minututik aurrera).

Euskaraldia geroz eta gertuago!

Euskaraldiko azken txanpan sartuta gaude honezkero eta 10 egun besterik ez dira falta hasera emateko. Azaroaren 18tik Abenduaren 2ra izango da aurtengoa eta aurrekoan baino arigune gehiago ditugu izen emanda gure herrian, Hondarribian, 104 entitate zehazki.

Euskaraldiko ariketa honetarako animatu zuen inguruko jendea, familiakoak, lagunak, lankideak eta bururatzen zaizuen edonor. Belarri prest edo ahobizi izan daitezela egun hauetan.

Izen emateko esteka honetan egin ; https://izenematea.euskaraldia.eus  oso erraza da. Eta Euskaraldiak irauten duen egunetan, eta urte osoan zehar ere, euskaraz gozatzera! Hondarribia euskaldundu dezagun!

Korrika jaia Apirilak 9an

Badator Korrika Hondarribira, eta motorrak berotzeko Korrika jaia antolatu dugu Blaganetik. Animatu zaitezte: eskulanak haurrentzat, Ginkana gazteentzat, kontzertuak, afaria, …

Adi: Gazte Konkiz Ginkanan parte hartzeko izena ematea gomendatzen da. Izena emateko estekan klikatu edo QR kodea eskaneatu eta bete mesedez galdetegia.

Ez ahaztu azteazken honetan, apirilak 6, hitzaldi interesgarri bat antolatu dugula: Euskararen esanahia(k) hitzaldia, arratsaldeko 18:30, Kultur Etxean.

Txorien habia Pirritx Porrotx eta Marimototsen eskutik!

Aurrekoan opari ederra eman ziguten Pirritx, Porrotx eta Marimotots lagunek Blagankide guztioi: TXORIBOX txorien habia. Txoriek habi goxoak behar dituzten bezala TXIO TXIO egiteko, euskarak ere habi goxoak behar dituelako BLA BLA BLAGAN jarrai dezagun!

ESKERRIK ASKO!! MUXU HANDI BAT!! Gora KATXIPORRETA!