Gure ekintzak – Blagan

Hondarribiko 31. Euskal Azoka

Azaroak 13an, Hondarribiko Itxas Etxean, Euskal Azokaren hogeita hamaikagarren edizioa ospatuko da, orain arte ikusi gabeko formatu batean, egun bakarrekoa eta auditorium barruan. Liburuak eta euskal sortzaileak izango dira protagonista, bertan aurkituko direlarik beraien lanak baita elkarrizketa interesgarriak ere.

Azoka honetarako, Udalak eta Blagan Euskara Elkarteak, elkarlanean, erosketa-bonoak banatu dituzte; hauekin, 15 €-tik gorako erosketetan, 3 €-ko beherapena eskuratzeko aukera izango da. Bono hauek Euskal Jaien baitako ekitaldietan eta eskoletan banatu dira.

Etorri eta disfrutatu azokaz!

Informazio gehiago: https://www.hondarribia.eus/eu/euskal-azoka-2025

Gau Beltza IV. edizioa mikroipuin lehiaketako irabazleak

“Gau beltza” mikroipuin lehiaketaren laugarren edizio honetako gaia “DESIRA” izan da, eta aurrekoetan bezala, aurten ere bi kategoria egon dira. 18 urtetik beherakoena eta 18 urtetik gorakoena.

Guztira 81 lan jaso dira, Euskal Herriko txoko guztietatik. Iaz baino 24 lan gehiago izan dira. 56 lan gazteen kategorian eta 25 ipuin helduen kategorian. Epaimahaikideek inoiz baino zailagoa izan dute aukeraketa lana. Epaimahaia Ainara Elizondo, Gorka Bereziartua eta Kote Guevarak osatu dute, eta irabazleak urriaren 31ean iragarri dira Hondarribiko Udal liburutegian egin den sari banaketa ekitaldian.

Gazteen kategoria (18 urtetik behera):

1. saria: Ikusten ez dudana

Sara Bensaoula (2009, Legorreta)

2. saria: Antropofagia

Araitz Martinez Gonzalez (2009, Legorreta)

Helduen kategoria (18 urtetik gora):

1. saria: Ezkontza

Iñigo Legorburu (1976, Hernani)

2. saria: Esku txiki bat

Iñaki Sanz Azkue (1981, Hondarribia)

Parte hartzaile guztien artean ere zozketak egin dira egitasmoaren babesleen eskuzabaltasunari esker.

Hona hemen sari banaketako zenbait argazki:

Irabazleen ipuinak:

ZORIONAK DENOI eta MILA ESKER parte hartzeagatik!

Gau Beltza mikroipuin lehiaketa 2025 – IV. edizioa

Aurten ere Blagan euskara elkarteak, mikroipuin lehiaketa antolatu du Gau Beltzaren inguruan. Gaia “DESIRA” izango da, eta mikroipuinak gai honen inguruan idatzi behar dira. Bi kategoria daude, gazteen eta helduen kategoria. Lanak entregatzeko epea: 2025aren irailaren 30tik urriaren 15 arte euskarazblagan@gmail.com helbidean. Baldintzak eta sariak behean dituzue. Animatu eta parte hartu!

Lehiaketaren oinarriak:

Mila esker herriko babesleei!

Euskaraldia: Maiatzak 24an EUSKARAOKE eta BAZKARI HERRIKOIA

Maiatzaren 24an Euskaraldiaren ekintzen barruan Bazkaria eta Euskaraoke herrikoia ospatuko da. Animatu eta IZENA EMAN (epea luzatu da!)

Euskaraokean izena emateko ondorengo pausoak jarraitu:

Gustukoak dituzun 3 abesti aukeratu www.txantxangorria.eus webgunean.
Udalako izen-emate orria bete.
https://www.hondarribia.eus/eu/euskaraldia2025/euskaraoke
Maiatzean zuekin kontaktuan jarriko gara zure parte-hatze txanda eta abestia jakinarazteko.

Iturria: https://bidasoa.hitza.eus/2025/05/01/bete-beteko-egitaraua-ondu-du-euskaraldiko-herri-batzordeak/

Bazkarirako tiketak salgai Ttopara, Branka, Basque eta Itxaropena tabernetan:

EUSKARAREN ERABILERA HONDARRIBIAN, ARGIAK ETA ITZALAK

Mahai-ingurua · Maiatzak 8, 19:00etan, Hondarribiko Kultur Etxean

Euskaraldiaren edizio berri baten atarian, Blagan euskara elkartetik mahai-inguru bat antolatu dugu euskarak Hondarribian duen egoerari buruz hitz egiteko. Euskararen biziberritze prozesuan Hondarribian ditugun erronkei begira jarriko gara, bertaratzen diren herritarren laguntzarekin. Horretarako, Olatz Altuna adituak Hondarribiko datu soziolinguistikoen azterketa egingo du, jarraian, Saioa Zabala eta Mikeldi Zeberiorekin batera gaur egun Hondarribian ditugun hizkuntza-praktiken inguruan hausnartzeko.

Hizlariak:

Olatz Altuna (Soziolinguistika Klusterreko ikerlaria)

Saioa Zabala (Antropologoa)

Mikeldi Zeberio (Soziologoa)

Gidaria: Jaime Altuna

Hizkuntzaren Funanbulistak

“Hizkuntzaren funanbulistak” izenburuko solasaldiak interesa piztu zuen asteartean Hondarribian. Hizkuntza sozializazioa kirol eremuan nolakoa den hausnartu dute Miren Artetxek eta Jaime Altunak. Nerabeen hizkuntza praktiken inguruan, adin eta generoan ardaztuta, aritu dira bakoitzak egin dituen ikerketetatik abiatuta.

Mila esker!

Gau Beltza mikroipuin lehiaketaren III. edizioko emaitzak

“Gau beltza” mikroipuin lehiaketaren hirugarren edizio honetako gaia “LAZTAN” izan da, eta aurrekoetan bezala, aurten ere bi kategoria egon dira. 18 urtetik beherakoena eta 18 urtetik gorakoena. Guztira 57 lan jaso dira, Euskal Herriko txoko guztietatik. Iaz baino 19 lan gehiago izan dira. 29 lan gazteen kategorian eta 28 ipuin helduen kategorian.

Ainara Elizondo, Gorka Bereziartua eta Kote Guevara epaimahaikideen esanetan, azpimarragarria izan da bai jasotako lan kopurua eta baita hauen literatur kalitatea ere. Hondarribiko liburutegian bilduta, ondokoa ebatzi dute:

18 urtetik beherako kategoria:

1. saria: Zain

Egilea: Gari Iraola Hernández (Usurbil, 2008)

2. saria: Azken taupadak

Egilea: Yader Manuel Salgado Matute (Hondarribia, 2011)

18 urtetik gorako kategoria:

1. saria: Marisorgin

Egilea: Ibai Zulaika Artolozaga (Sopela, 1993)

2. saria: Laztan

Egilea: Ainhoa Aranburu Puente (Hondarribia, 1969)

Hona hemen sari-banaketa ekitaldiko zenbait argazki:

Eskerrik asko parte hartzaile guztiei, babesleei, aurkezleei eta epaimahaikideei. Eta zorionak irabazleei! Jaso ezazue LAZTAN hotz bat antolatzaileon partetik!!!

Mikroipuin lehiaketaren III. edizioaren sari banaketa

“Gau beltza” mikroipuin lehiaketaren hirugarren edizio honetako gaia “LAZTAN” izan da, eta aurrekoetan bezala, aurten ere bi kategoria egon dira. 18 urtetik beherakoena eta 18 urtetik gorakoena. Guztira 57 lan jaso dira, Euskal Herriko txoko guztietatik. Iaz baino 19 lan gehiago izan dira. 29 lan gazteen kategorian eta 28 ipuin helduen kategorian. Ainara Elizondo, Gorka Bereziartua eta Kote Guevara epaimahaikideen esanetan, azpimarragarria izan da bai jasotako lan kopurua eta baita hauen literatur kalitatea ere.

Epaimahaia Hondarribiko liburutegian bildu da urriaren 23an ebazpena egiteko, eta irabazleak urriaren 31ean iragarriko dira Hondarribiko Udal liburutegian egingo den sari banaketa ekitaldian. Parte hartzaile guztien artean ere zozketak egin dira egitasmoaren babesleen eskuzabaltasunari esker. Sari banaketa ekitaldiko aurkezlea Karolina Sainz de Bikuña izango da eta aurretik Joxe Mari Karrere ipuin kontalari izugarriak sufriaraziko gaitu. Irabazleek bere lanak irakurriko dituzte ekitaldian bertan.

Eskerrik asko parte hartzaile guztiei, babesleei eta epaimahaikideei.

Jaso ezazue LAZTAN hotz bat antolatzaileon partetik!!!

Gau Beltza mikroipuin lehiaketa 2024 – III. edizioa

Blagan euskara elkarteak, hirugarrenez, mikroipuin lehiaketa antolatu du Gau Beltzaren inguruan. Aurtengo gaia “LAZTAN” izango da, eta mikroipuinak gai honen inguruan idatzi behar dira. Bi kategoria daude, gazteen eta helduen kategoria. Lanak entregatzeko epea: 2024aren irailaren 30tik urriaren 15 arte euskarazblagan@gmail.com helbidean. Baldintzak eta sariak behean dituzue. Animatu eta parte hartu!