Korrika Kulturalaren baitan Teresa Del Valleren liburu aurkezpena

Hondarribian Korrika Kulturalaren baitan Teresa Del Valle antropologoaren lanari buruz argitaratu berri den “Teresa Del Valle, bidegile eta gidari” liburuaren aurkezpena antolatu dugu.
Teresa Del Valleren lan intelektual guztia irakurketa eta iradokizun agortezinen iturria da, eta bide berriak ireki ditu genero arloan, antropologian eta euskal kultura eta gizartearen ulermenean. Asko izan dira Del Valleren lanaren fruituak, argitalpen ugari utzi ditu: 16 liburu eta 200 artikulu baino gehiago. Hondarribian egingo dugun aurkezpenean, Del Valleren lanari errepasoa egiteaz gain, 1988. urtean Korrikari buruz egin zuen ikerketa etnografiko ederra gogoratuko dugu, duela 35 urte lan hartan Korrika ekimenaren inguruan eta euskarari buruz plazaratutakoak gaurkotasuna izaten jarraitzen baitu.
Aurkezpenean liburuaren editorea izan den Pio Pérez-ekin batera, liburuan kapitulu bana idatzi duten Carmen Diez, Margaret Bullen, Jone Miren Hernández eta Jaime Altuna antropologoek parte hartuko dute.

Non: Hondarribian (Kultur Etxeko Areto Nagusia)
Noiz: Otsailaren 29an, arratsaldeko 19:30ean.

Badator 23. Korrika

Martxoaren 14an 23. Korrika hasiko da Irundik abiatuta eta horrekin lotuta hainbat ekimen burutzen ari dira gure eskualdean.

Euskal Herriko Hitz Gurutzatuen IX. Txapelketa! Martxoaren 2an izango da eta, nola ez, Irunen. Informazio guztia eta izen-ematea webgunean: www.hitzgurutzatuak.eus

Euskaraz gara, euskaraz izan dira eta euskaraz izango gara. Mugarik eta oztoporik gabeko herri harroa izan nahi dugu. Edonor ongi etorria sentituko den herri harroa. Otsailaren 16an AEK-Korrikak eta Irungo Harrera Sareak antolatutako ekitaldia harrera herria aldarrika dezagun, euskarazko harrera herri harroa.

Gure sare sozialen bidez horien eta beste batzuen berri eguneratuta emango dugu. Jarrai gaitzazu:

https://twitter.com/Blagan_euskaraz

https://www.instagram.com/blaganeuskaraelkartea/

https://www.facebook.com/BlaganEuskaltzaleenElkartea

Euskararen eguna prestatzen

📢 Aurten ere, euskararen egunaren harira, abenduak 2 larunbatarako hainbat ekintza prestatzen ari gera: umeentzako jokoak, bertso-poteoa, bazkari herrikoia, kontzertuak, … Laister egitarauaren berri izango duzue!

Mezu honen bidez, beste batzuetan bezala, zuen partehartze eta laguntzaren eske gatoz. Egunean bertan laguntzeko prest bazaude formulario hau bete eta zurekin kontaktuan jarriko gara. Mila esker eta motorrak berotzen hasi!

Mikroipuin lehiaketaren sari banaketa

Mila esker gure lehiaketaren bigarren edizioko parte hartzeaile guztiei, aurtengoan 18 lan jaso ditugu 18 urtetik beherakoen kategoarian eta 20 lan 18 urtetik gorakoenean. Guztira 38 lan, ez dago batere gaizki!

Pasa den ostiralean elkartu zen epaimahaia irabazleak aukeratzeko, eta ondorengoa da erabakia:

Horretaz gain, gure babesleei esker, parte hartzaile guztien artean zozketak egin ditugu eta hauek dira irabazleak:

Sari banaketa ekitaldia urriaren 31ean izango da, Hondarribiko liburutegian (Kale Nagusia, 8) arratsaldeko 19:00etan. Karolina Sanz De Bikuña egongo da aurkezlea lanetan eta Joxe Mari Karrere ipuin kontalariaren saio beldurgarria egongo da. Animatu!

Hondarribiko mintzalagunen ekimenak!

Mintzalaguna egitasmoa ezaguna izango duzu honezkero. Aurtengo ikasturtean jarraipena emango zaio ekimen honi. Honadarribian talde berriak sortzen ari dira eta horretarako mintzalagunekoak bidelagun berrien beharra dute. Bidelagunaren lana ez da erakustea, ez eta zuzenketak egitea;  lagun giro eroso eta lasaiean euskaraz aritzeko  aukera ematea da. Astean ordu betez elkartzen dira hiruzpalau lagun, tabernan, parkean,liburutegian… beraiek adostutako toki batean, asteko eguna eta ordutegia adostuz. Beraz animatu zaite!

Izena emateko edo zalantzak argitzeko:mintzalaguna@hondarribia.eus  era idatziz, ondorengo formularioa betez  edo 688865398 ra deituz.

Iturria: X @MintzalagunaHond esteka

Bestalde, Urriaren 18an, Hondarribiko Kasino Zaharrean egingo den Mintzodromora gonbidatuta dago euskara praktikatu nahi duen edonor. Doako ekintza da. Blagan aritzeko gogoa besterik ez da behar. Eman izena kartelean ageri den estekan, edo posta elktronikoan.

Blaganen kamiseta berriak salgai!

Blaganek kamiseta berriak egitea erabaki du, oraingo honetan Bilintxek Hondarribiko Joxepa bertsolariari eskainitako bertsoetan oinarrituta.

Igandetik aurrera, eguraldiak laguntzen badu, San Pedro kalean egongo gara. Twitter , Facebook eta Instagram bidez data eta orduen inguruko informazio gehiago izango duzue. Animatu, etorri erostera eta gertaera ezagutzera! Jaietan ere itxeki euskarari!

Ez dakigu Joxepak Bilintxen sorta eskutan hartzean zer esan ote zuen, ezta inoiz elkar neurtzera iritsi ote ziren ere. Baina donostiarraren sortak erantzun bat behar zuenez, Maialen Lujanbiok jarri zituen bertsoak, Hondarribiko Joxeparen ahotik.
Bertso horiek entzungai dituzue Hitzetik Hortzera saioan kantatuta hemen klikatuz (2:50 minututik aurrera).

Euskaraldia geroz eta gertuago!

Euskaraldiko azken txanpan sartuta gaude honezkero eta 10 egun besterik ez dira falta hasera emateko. Azaroaren 18tik Abenduaren 2ra izango da aurtengoa eta aurrekoan baino arigune gehiago ditugu izen emanda gure herrian, Hondarribian, 104 entitate zehazki.

Euskaraldiko ariketa honetarako animatu zuen inguruko jendea, familiakoak, lagunak, lankideak eta bururatzen zaizuen edonor. Belarri prest edo ahobizi izan daitezela egun hauetan.

Izen emateko esteka honetan egin ; https://izenematea.euskaraldia.eus  oso erraza da. Eta Euskaraldiak irauten duen egunetan, eta urte osoan zehar ere, euskaraz gozatzera! Hondarribia euskaldundu dezagun!