EKIN EUSKARARI! EUTSI KATEARI!

22. Korrika-n, lekukoaren barruko mezuak azpimarratu du ā€œhizkuntza zerbait fisiko bihurtzeko ahalmena duela Korrikak. Gure a e i o u partikularra gorpuzteko. Eta hori behar du euskarak: haragi bihurtzen diren hitzak”

Apirilaren 9an Hondarribian ere Korrikarekin bat egin genuen eta egun aparta pasa genuen. Blaganetik euskarari ekin eta kateari eusteko asmoa dugu!

Mila esker parte hartzaile eta laguntzaile guztiei!

Blagan elkarteak lekukoa eramaten.

ScoobyBand-en kontzertua.

Afaria giro apartan!

Marmoka taldearen kontzertua.

Gazteen ginkana.

Haurrentzako eskulanak.

Korrika jaia Apirilak 9an

Badator Korrika Hondarribira, eta motorrak berotzeko Korrika jaia antolatu dugu Blaganetik. Animatu zaitezte: eskulanak haurrentzat, Ginkana gazteentzat, kontzertuak, afaria, …

Adi: Gazte Konkiz Ginkanan parte hartzeko izena ematea gomendatzen da. Izena emateko estekan klikatu edo QR kodea eskaneatu eta bete mesedez galdetegia.

Ez ahaztu azteazken honetan, apirilak 6, hitzaldi interesgarri bat antolatu dugula: Euskararen esanahia(k) hitzaldia, arratsaldeko 18:30, Kultur Etxean.

Pantailak euskaraz ekimena

Urriak 21an “Pantailak euskaraz” ekimeneko kideak Hondarribian izan ditugu, arratsaldeko 19h00tan Kultur Etxeko areto nagusian.

Pantailak Euskaraz mugimenduko lagunak bultzada bat merezi dutela uste dugu. Sinadurak biltzen ari dira pelikula, serie eta marrazki bizidunetan gure hizkuntza erabil dadin. Eta seguru gaude Hondarribian ehunka lagun daudela ados eskari horrekin. Tartetxo bat hartuko duzu hauek sinatzeko? 👇🏻

✅ Disney + euskaraz: https://secure.avaaz.org/community_petitions/es/the_walt_disney_company_disney_euskaraz/

✅ Netflix euskaraz: https://www.change.org/p/netflix-edukiak-euskaraz-emititu-ditzala-eskatzen-diogu-netflix-i

✅ Zinemak euskaraz: https://secure.avaaz.org/community_petitions/es/eusko_jaurlaritza_nafarroako_gobernua_euskal_hirig_zinemetan_euskararen_presentzia_legez_bermatuko_duen_zinemaren_lege_propioa_behar_dugu/

✅ Twitch euskaraz: https://twitch.uservoice.com/forums/924619-localization/suggestions/41401138-more-options-for-stream-language-euskara

Zure lagunak ere honekin ados daudela uste baduzu, pasaiezu mezua mesedez: denon artean pantailak euskaldunduko ditugu 💪🏼

Informazio gehiago: https://www.pantailakeuskaraz.eus/

Eusko Label liga: hau ezin da errepikatu

Abuztuaren hasieran jakin denez, Traineru Kluben Elkartearen (TKE) ikus-entzunezko plataformak (ACT TV) gaztelaniaz hitz egitera derrigortu nahi izan zuen Donostiarra Arraun Elkarteko kide bat uztailaren 25ean, Lekeition jokatutako estropadaren ondoren.

Euskal Herrian Euskarazen (EHE) bidez salatutako egoera horren aurrean, honakoa adierazi nahi dugu kostaldeko herrietan euskararen alde lan egiten dugun bost eragilek:

1) Elkartasuna adierazi nahi diogu adierazpenak euskaraz bakarrik egin nahi izan zituen arraunlariari. Egunero jasan behar izaten ditugu horrelako egoerak eta garrantzitsua da presioen gainetik euskaldun gisa ditugun eskubideei tinko eusten dieten pertsonak agertzea, baita mota horretako gertakariak eremu pribatuan ez geratzea ere, euskararen erabilera denoi dagokigun zerbait delako.

2) Eusko Label liga antolatzen duen TKEri eskatzen diogu bere komunikazio-politika alda dezala, euskaraz hitz egin nahi duten arraunlariak ez daitezen presionatuta sentitu, uztailaren 25ean gertatu zen bezala. Euskal Herrian gaude eta euskaraz bakarrik hitz egin nahi izatea guztiz zilegi da. Lehiaketaren komunikazio-lanak hizkuntza batean baino gehiagotan egin behar badira, TKEk asmatu beharko du nola eseri tosta berean komunikazio eleanitza eta euskaldunei zor zaien errespetua.

3) Goi mailako kirolariak gizartearentzat erreferente dira, ez bakarrik lehiatzen direnean, baita jendaurrean agertzen direnean ere. Horregatik, Eusko Label ligan parte hartzen duten arraunlari guztiak animatu nahi ditugu ACT TV-k eta beste hedabideek egiten dizkieten elkarrizketetan euskaraz egitera (baita galizieraz ere, herrialde hartako arraunlarien kasuan). Arrauna kirola baino gehiago baita: neurri batean, bizi garen herriak ordezkatzen dituzte gure traineruek. Erakutsi dezagun herri euskaldunak garela.

Sinatzaileak:

Axola euskara elkartea (Abanto)

Bagera euskaltzaleen elkartea (Donostia)

Blagan euskara elkartea (Hondarribia)

Karkara Taldea kultur elkartea (Orio)

Zuhatza euskara elkartea (Deba)