Kategoria: Albisteak
EUSKARALDIA!
2018an erronka berria dugu Hondarribian!
Igandean MOSAIKOAREN AURKEZPENA egingo dugu Itsas Etxean!
Blagan-en 2017ko batzar nagusia
Atzo Amuteko Elkartean Blaganen 2017ko batzar nagusia ospatu zen, 30 bat lagun bertaratu ziren eta urtean zehar egindako ibilbidearen errepaso bat egin ondoren, datorren urteko erronken inguruan hausnartu zen.
Laburbilduz, 2017an zehar egindako ekintzak ugari izan dira, besteak beste: mendi irteerak, hitzaldiak, Korrikan parte hartzea, Euskararen kale erabileraren neurketaren emaitzen inguruan mahai ingurua, Blagan eguna, Itxeki euskarari kanpaina, Hondarribiko euskararen inguruko lanak, Hondarribia aldizkarirako artikuluak, … Eta datorren urtera begira landu ziren puntuen artean aipagarrienak, Euskara 365 egun kanpaina eta udaletxeko euskara aholku batzordea izan ziren.
Hondarribiko jaietan ere, itxeki euskarari!
Hondarribiko jaiak ditugu eta euskararen erabilera sustatzea helburu dugunez, egun hauetan ere, kalean aurkituko gaituzue gure kamixetak, txapak eta arrantzale egunerako zapiak saltzen. Egon adi!
Gainera mosaikoa osatzeko kanpainarekin jarraitzen dugu eta zuen argazkiak behar ditugu:
“Azken Zakatzak” poesia liburuaren aurkezpena oso ondo joan zen.
Atzoko poesia aurkezpenera jende ugari etorri zen eta oso ondo egon zen. Batetik solasaldia ederra izan zen. Poesiaz, literaturaz, gizarteaz, Hondarribi herriaren bilakaera, arrantzaz, itsasoaz, munduaz, hizkuntzaz… gogoeta txol interesgarriak egin zituen Martxelek. Bestetik, Kote Gebarak liburuaren aurkezpena egin zuen irakurtzera animatuz. Gorka Bereziartuak galderak txukun prestatu eta bideratu zituen solasaldi atsegina bihurtuz. Amaitzeko Martxelek bi poesia errezitatu zituen musikaren laguntzarekin.
Esan bezala Kultur Etxeko aretoa lepo bete zen: 56 lagun elkartu ginen, eta gauza ez-ohikoa, poema liburu baten aurkezpen baterako!
Librezalek Firefox gomendatzen du.
Librezalek, euskara informatikaren munduan bultzatzea helburu duen lantalde irekiak, Firefox nabigatzailearen erabilera sustatzeko kanpaina bat jarri du martxan apirilean. Nabigatzaile hau erabiltzeko arrazoi asko badago ere euskaltzaleontzat Firefoxen jarrera hizkuntzekiko da bereziki interesgarria: aplikazioa bati mahaigainekoa bertsioa bai mugikorrekoa euskaraz dago, zuzentzaile ortografikoa dauka eta Euskalbar edota Irakurle Digitala bezalako tresnak erabiltzen ditu.
Hondarribiko olinpiadei buruzko dokumentala
Garai batekoak ulertzeko, eta oraingoei bultzada emateko, enbor hartatik sortu baitira. Hondarribiko herri olinpiadei buruzko dokumentala aurkeztuko dute ostegun honetan arratsaldeko 20:00tan Kultur Etxean.
Errenta aitorpena euskaraz egiteko kanpaina.
Urtero bezala Udalerri Euskaldunen Mankomunitateak, bertako kide diren udalekin elkarlanean, errenta aitorpena euskaraz egiteko kanpaina martxan jarri du. Herritarrak errenta aitorpena egiterakoan euskara autatu dezatela da helburu nagusia, aurten bereziki autolikidazioari garrantzia eman diotelarik. Honen inguruko Informazio gehigarria UEMAko webgunean aurkitu daiteke: sartu hemen.
Booktegi, euskarazko liburu elektronikoen plataforma
Igande honetan “liburuaren eguna”da. Ba al dakizu euskarazko liburu elektronikoen plataforma bat sortu berri dela?Booktegi.eus-en,
- mota guztietako euskarazko liburuak aurkituko dituzu;
- liburuak dohainik deskarga ditzakezu, eta lagunei gomendatu;
- liburuak dohainik plazara ditzakezu;
- azken liburuen berri jaso dezakezu e-postaz.
Irakurketa on!